Sunday 15 May 2016

PANTUN NEGERI SEMILAN...

Assalamualaikum...

Assalammualaikum kengkawan. Solamat pagi. Den nak bosajak, bopantun, bosyair dan bogorindam ilham dah koring kuntang. Mako den bueklah madah morapu buek hiburan kengkawan sumo pado pogi hari ni. Maaflah yo den tulih dalam loghat Noghori Semilan. Sesapo yang tak paham tu tanyaolah kek kengkawan yang asal ea dari Noghori Semilan

.
SAYANG POPURO
Bokato sayang tak ronti-ronti
Pagi ko sonjo malam ko siang
Totapi apo yang nampak pasti
Sumo ea itu hanyo tomberang.
.
Sayang ea dio dokeklah kito
Sahihlah sayang bojual boli
Bilo kek poket pitih tak ado
Kito bak sampah dibuang ko topi
Memang tak somonggah porangai bogini
Asik bolakun tak sudah-sudah
Di luar cantik indah sokali
Ghupo ea kek dalam ponoh kolarah.
Inilah satu porangai yang buruk
Buleh momakan diri sondiri
Laku tak elok tak dapek nak suruk
Akhir ea orang akan kotahui.
Cubo-cubolah baiki diri
Jangan nanti dihino orang
Laku bogini Allah pun bonci
Takut diri nanti kok tobuang.
(Ghonungkan dan pikir-pikrkanlah..)

6

9 comments:

  1. gambar sungai ke tu? bestnya..

    ReplyDelete
  2. Rumah panggung ditepi suangai
    Sungguh elok dipandang jauh
    Ramah budi santun perangai
    Selamat kamanapun berteduh..

    BTW, via mobile tak bisa komentar
    Kolom tak tampak :)

    ReplyDelete
  3. WAH INDAH SEKALI PANTUN ANISAYU...TQ..KAK LAGI XRETI BERKOMENN VIA MOBILLLLLE..

    ReplyDelete
  4. HMM SUNGAI KAT ATAS BUKIT DI JANDA BAIK PHG TU PHA IS...TQ

    ReplyDelete
  5. pesanan yang baik..thanks kak PI

    ReplyDelete
  6. Amboi! kak PI pantun minangkabau hah! ;-)

    ReplyDelete
  7. Den tak reti nak pantun negori...hihi

    ReplyDelete

Terima kasih bersama Karyaku...Paridah Ishak. Komen anda amat dihargai... “Semoga Allah SWT akan membalas dirimu dengan kebaikan yang banyak dan semoga Allah SWT akan membalas dengan balasan yang terbaik.”

MyBloglist