ASSALAMUALAIKUM
KONGSI PANTUN SELOKA CIKGU ZUKI TAHIR PEMANTUN AKTIF BERKARYA DI MEDIA MASSA....TERIMA KASIH CIKGU.
PANTUN NISMILAN
Mari kito poi Nismilan,
Kita pokono masak cili padi;
Kalau boto ekau orang Nismilan,
Mari balik kampung mengundi.
Kalau ekau datang Tampin,
Air cendol eden belanjo;
Kalau ekau pilih pomimpin,
Pilihlah yang boleh buek kojo.
Kalau ekau datang Soromban,
Ayam salai eden sponso;
Salah pilih pikullah boban,
Limo tahun hidup tersekso.
Kalau ekau datang Gomeh,
Jangan tolajak ko Sori Monanti;
Masa nak undi jangan comeh,
Kono pilih dongan toliti.
Kalau ekau datang Ghombau,
Kono datang bebondong bondong;
Kita rakyat bukan kobau,
Boleh ditarik dicucuk hidung.
Kalau ekau datang Port Dickson,
Baik punyo chalet eden tompah;
Jadi pomimpin jangan eksen,
Nanti rakyat naik monyampah.
Kalau ekau datang Jolobu,
Orang sinun tidak garang;
Kalah jangan jadi abu,
Monang jangan jadi arang.
Kalau ekau datang Pilah,
Eden belanjo roti capati;
Jadi pomimpin kono monyolah,
Biar rakyat pueh hati.
Kalau ekau datang Jompol,
Eden bolanjo roti canai;
Buek janji bokopul kopul,
Bilo monang kono tunai.
No comments:
Post a Comment
Terima kasih bersama Karyaku...Paridah Ishak. Komen anda amat dihargai... “Semoga Allah SWT akan membalas dirimu dengan kebaikan yang banyak dan semoga Allah SWT akan membalas dengan balasan yang terbaik.”