ALAHAI UJANG ANAK OMAK
Alahai Ujang anak omak
naik moto nak poie mano
jangan buek kopalo mak somak
takut kau nanti dapek boncano.
Janganlah ekau nak tunjuk begar
koreh kopala tak ghonti-ghonti
larangan diboghi ekau langgar
Kok tido lokap dighi tu nanti.
Duduk kek umah bukankah elok
makan minum sumo ea ado
kok ghaso ngantuk poielah lalok
janganlah ekau mengado-ngado
Kek pokan sanun banyak 'road-block'
siap ngan aska sonjato longkap
janganlah ekau nak jadi goblok
tak mahun donga apo mak cakap.
Kok kono tangkap dek mato-mato
omak pun samo kan susah hati
kito tak ado wang dan ghoto
camno nak bayar dondo kau nanti.
Kalau donda tak dapek baya
sudah tontu balo monanti
dokek ponjaro ekau bolaya
tempoh sobulah sudah 'gerenti'.
Omak bukan songajo nak halang
takut ekau dapek ponyakit
kalau tak ondak ditimpo malang
nasihat omak dongalah sikit
Pak Engku
Kg Gadung S/C
Labu. N.Sembilan.
03/04/2020
masa PKP ni, duduk rumah lg baik..tapi budak laki mmg tak tahan duduk rumah lama2, mesti nak merayap..
ReplyDeleteAnak-anak...dengarlah nasihat emak..sementara untuk kebaikkan bersama lebihkan waktu duduk di rumah.
ReplyDeleteAnak2 ni tak betah duduk rumah lama2.
ReplyDeleteTKSH NOHAS YA ANAK REMAJA NI MMG SUSAH NK DIKAWAL LANGKAHNYA
ReplyDeleteTKSH PC DENGARLAH CAKAP MAK YG AMAT SAYANGKAN ANAKNYA
ReplyDeleteTKSH WP YA MRK DH BIASA CERGAS KE MANA-MANA SEKALI DIKURUNG PULA
ReplyDelete